29 Nobiembre 2008
CHA-CHA
Kabayatan a lumamlam-ek manen kadagiti deppaar nga ag-snow, nasayaat a pagwatwatan ti sala a cha-cha. Agling-et ti tao ket mapuoran ti nangato a cholesterol ket maikondision ti bagi, malapdan ti alta presson. Ala, ket agsasalatayo ngarud!
Ngem sabali met ti kayat a sawen ti Cha-Cha dita iti Pilipinas. Charter Change/s wenno panagsukat wenno panangbaliw ti agdama a Constitution wenno Pagalagadan ti pannakaipagna ti gobierno. No pudno ti damag dagiti mangilunglungalong ket kayatda pasukatan ti Presidential Form of Government iti Parliamentary Form of Government. Nabayag met daytoyen a kayat dagiti nakapuesto iti gobierno ngem agkaraiddep met, sa manen sumgiab.
Presidential Government: direkta dagiti botante nga agbutos/agpili ti pangulo a matawag a Presidente.
Parliamentary Government: ti butosan laengen ket dagiti mangibagi iti distrito a matawag nga assemblyman/assemblywoman. Dagitoy ti matawag a parliamentarian nga isuda laengen ti agbutos ti pangulo a matawag ti Prime Minister.
Napintas ti parliamentary kadagiti pagilian a saan a corrupt dagiti agtuturay. Nasayaat no ti concern dagiti nabutosan ket ti pagsayaatan ti kaaduan. Iti Pilipinas ngay? Adu dagiti opposition a kunkunada a corrupt kano. Mismo a ni Congressman Joe de Venecia , sigud nga Speaker ti House of the Representatives, maysa a mangayat idi ti Cha-Cha ket kunkunana itan nga everything is for sale kano ti gobierno, wenno iti pananakaawatko ket papasuksokan dagiti (kaaduan nga) agtuturay. Ken imposible itan a kayat pay ni de Venecia ti cha-cha!
No dagiti agtuturay ket awanan ti prinsipio, a no ania ti ayus ket isu lattan a dida maitured a tubngaren ti saan nga umno, sa no agpayso dagiti damag ti corruption, saan nga umiso ti cha-cha ti Filipinas. Awanton ti karbengantayo nga agpili a direkta ti pangulo wenno Presidente. Para kaniak diak kayat ti Cha-Cha!
11 Nobiembre 2008
Change - PANAGBALBALIW
Lakay Fabian
11/5/2008 6:07:00 PM
CHANGE - PANAGBALBALIW. Dayta man ita ti KASIKATAN a balikas iti intero a lubong gapu iti panangabak ni OBAMA. Congratulations kadagiti nangibutos ken ni OBAMA. Sapay la koma ngarud ta agbalin a napintas ti administrasionna ta kayattayo man wenno saan, APEKTADO latta ti PILIPINAS iti aniaman a TARAY ti biag diay AMERICA, mapa-EKONOMIYA wenno mapa-POLITIKA. CHANGE - PANAGBALBALIW, kasta koma man met ti mapasamak iti pagiliantayo.
Lakay Fabian
11/5/2008 6:22:00 PM
CHANGE - PANAGBALBALIW. Napintas daytoy no manipud DAKES a mapan iti KINAIMBAG, kinaLUPOY iti kinaTIBKER, kinaKURAPAY iti kinaBAKNANG, ken dadduma pay a NEGATIBO a mapan iti POSITIBO. Dayta ti HUSTO a panagBALBALIW. Ti dakes ita, agpayso nga ADDA PANAGBALBALIW ditoy PINAS, ngem BAD to WORST met, saan met a from GOOD to BETTER wenno from BETTER to BEST. Imagine, datayon ti maika-5 (5th) iti RANGGO dagiti MABISBISINAN a tattao iti LUBONG. Tsk Tsk Tsk, KAKAASI tayo a talaga, dagiti kakasta a DAMAG ti pagsikatantayo.
Sagpaw
11/7/2008 5:25:00 AM
Insan Lakay F awan san ti pagbalbaliwan ti kasasaad tayo ditoy Pilipinas nagdakkel ti naggidiatan ti America ken Pilipinas, idiay US 2 days laeng maamuanen ti mangabak; ditoy Pilipinas, abuten ti
mano a lawas santo adda maamuan a mangabak. No sino ti mangabak idiay US ket suportaan insigida diay naabak a kandidato ngem ditoy Pilipinas 1,2 a tawen agrekreklamonto pay laeng diay naabak, kasano nga adda panagbalbaliw ti Pilipinas no kasta ti taray ti politika tayo? No amin a rumuar wenno mangabak a Presidente tayo ket corrupt agingga kadagiti gabinetena ket awan ti pagmamaayan ti pagiliantayo saan kadi?
Sagpaw
11/7/2008 5:45:00 AM
Insan Lakay F dayta kunkunam a CHANGE-PANAGBALBALIW ket saan tayon san a malakaaman ta mapantayon sa idiay kunam a BAD to WORST gapu ti kina-corruptti agdama a kasasaad ti pagilian. Agasem fertilizer scam ti pondo a pinaruar ti gobierno ket 723 million agasem koma a naitulong kadagiti marigrigat a filipino. Iti biang ti PNP agasem ti naibulgar a kuartada a napan idiay moscow nga isu ti nakadelayan ti panagawidda gapu ti kaadu ti kuartada, sa tatta adda nasubaybayak a programa idiay TV nga adu ti natakuatanda a natnatayen, retirado, ken nakabalud a kameng ti PNP nga agpapan kadagitoy ket agsusuweldo da pay laeng. Napanda nagimbestiga kadagidiay pamilia ken maseknan ket kunada a saanda kano naawawat dagita a bagi ti kuawarta. Ti saludsod, asino ti nagnaar kadagitoy a kukuwarta a naggapu iti kaha ti gobierno a naggapu met ken Juan Dela Cruz a marigrigat a kas buisna.
Sagpaw
11/7/2008 5:57:00 AM
Ne! nahighbloodnak sa metten.....
Lakay Fabian
11/7/2008 4:46:00 PM
NASIDAP dagita a PALIIW a kasinsin sagpaw. uray siak no dadduma ket MAPUKPUKAW metten ti NAMNAMAK. sukatantayo ni GLORIA kuna ti adu a tattao ngem ADDA ngata mas NADALDALUS ngem isu? no sukatantayo ta kas man met laengen kenkuana wenno nakarkaro pay ti isukattayo, ay ket awan latta. isu a kunkunak pay ketdi no maminsanen a no ania lattan ti kabaelak (ipaayko lattan iti GOBIERNO nga employerko) ken mabiagko la ketdin ti pamiliak, mayat lattan. narigat nga aminen ngem NAPUKAWEN ti NAMNAMAK nga agLUPOS pay ti PILIPINAS.
P_nakbet
11/8/2008 2:03:00 AM
CHANGE, a kas kinuna Kapid F. dayta koma iti kapintasan nga maaramid dagiti dadduma nga KURAKOT, AGTATAKAW ken SWITIK nga opisyal iti GOBYERNO tayo, nang-nangruna kadayta presidente nga REYNA dagiti SWITIK (dispensar kadagiti maka GMA apo).
kitaen yo apo ni kapid Sagpaw ket maysa met isuna nga adu iti sakit iti naken na nga padak
iti Gobyerno tayo. ala ket dakayo no ag-tiwala kayo pay iti Gobierno. SAL-IT ket KADAGITA NGA CORRUPT.
ala ket oray no kasta ket saan nga adayo iti kolor tayon iti presidente iti America. at least saan
datayo nga pagkamalan nga servant no umabay tayo kanya na. hehehe
Ms. Apayao
11/8/2008 6:26:00 PM
Dikay unay aghi-highblood ket kabara ti tiempo ditoy Pinas!hahaha! "If we CHANGE the way we look at things, things will really change!":-)
Isu a "think positive" latta kapid, narigat ti maawanan namnama! Umuna, no kayattayo iti PANAGBALBALIW iti sangagimongan, irugitayo iti bagbagitayo saan kadi? Saantayo nga ilako ti butostayo. Tumulongtayo ken agkaykaysatayo a mangdalus iti narugit a POLITIKA. Iti kasta, makaanges iti nalukay ni Juan dela Cruz! :-)
Sagpaw
11/10/2008 4:36:00 AM
"THINK POSITIVE" ok daytoy nga imbaga ni ms. lei ngem inaramidko daytoyen, diak met nga inlako ti butosko ngem apayaunayen aya ta kastoy met latta ti mapaspasamak ditoy pagilian
tayo imbes a "changes" a kuna ni insan a kas koma good to better, better to best ngem saan met ta nabaliktad nagbalin a "bad to worst". Awan tay makunkuna a "give and take" a kas koma ti panagbaba ti krudo ken gasolina ken amin a prudokto ti lana a dati a 58.00 ti maysa a litro ditoy metro manila ket bimmaba itan ket nno diak agriro ket 42.00 laengen ti maysa a litro nagadu ti bimmabaanna ngem ti transport group saanda koma a kayat ti agibaba ti pamasahe. Immanamongda nga ibaba ti pamasahe ngem piman saan pay a makagatang ni Juan De Lacruz iti maysa a pandesal ti intedda a discount, 50 centavos iti jeep ken ordinary bus sa piso iti aircon bus. Ania metten ti mapaspasamak. Idi ti transport group idi isuda ti marigatan gapu ti ingingina ti lana naparaburanda iti panagngato ti pasahe, sa tattan ta bargainen ti lana arigna saandan a kayat ti mangited ti discuento. Tay kunak awan tay makunkuna a "give and take" Kuston sa tay kunada a kasta a talaga ni pinoy....
P_nakbet
11/10/2008 5:31:00 AM
kapid sagpaw ala ket kostonan a kas kuna ni kapid F baka ma highblood ta laeng.
ngem uray kasano iti panag panunot mo iti POSITIBO ket no napalaw-lawan ka iti NEGATIBO ay ket awan latta ah! kas tay kona ni Ms. Apayao nga IF WE CHANGE THE WAY WE LOOK AT THINGS, THINGS WILL REALLY CHANGE." no kasta ket ag-PANGKIS kan ton iti ka-kikita ay ket talaga nga agbaliw dagita.
iti makunak itan ket no ammom iti agbiag ken mangbiag iti pamilyam nga saan nga nakasangdir iti gobyerno tayo ket agbiag ka nga nawaya. ket no sika ket agserserbi iti gobyerno ay ket anusan iti adda ta uray ket adda met latta gunguna.
Sagpaw
11/10/2008 6:18:00 AM
Ok k-pid p aganus tayo lattan, ania ngarud ket kastoy lattan ti taray ti kasasaad ti pagilian kusto ta kuna ni Ms. Apayao "think positive" kitaen tay lattan ti pagsisiyaatan tayo basta addan maigatang ti asin ken buggoong a pangikammetanen ti innapoy ay ket mayaten. Naimas met koma no adda mailaok a manteka idiay asin wenno buggoong ngem permi met ti ngina ti
Sagpaw
11/10/2008 6:23:00 AM
Wenno tay buggoong nga ipon ay nagimas a perresan ti kalamnsi samo pettekan ti sili't sairo, mangisuboka ti innapoy samo isilamut ta tammudo iti buggoong nga ipon ay nagimasen nga
agpababa ditoy karabukob. Kakailian, "THINK POSITIVE".#
[naagsaw iti forum ti Iluko.com]
